صابلي بكريمة الشامية (حلوة الترك)
العجينة
250غ زبدة
6 ملاعق كبيرة سكر ناعم
حبة بيض +2صفار
ملعقة صغيرة فانيلا
ملعقة كبيرة لوز مطحون
رشة ملح، رشة خميرة
فرينة حسب الحاجة
تحضير العجينة
نشعل الفرن يسخن على 180 درجة قبل بداية العمل
نخلط جيدا الزبدة مع السكر الناعم و البيض و الفانيليا حتى يندمجوا مع بعض
نضيف اللوز و كمية من الفرينة و رشة خميرة الحلوى و نواصل الخلط ، نستمر في اضافة الفرينة على دفعات مع الاستمرار في الخلط حتى نتحصل على عجينة طرية .
نضع العجينة فوق مكان العمل مرشوش بقليل من الفرينة و نرشها هي كذلك بقليل من الفرينة و نفتحها بالحلال حتى نتحصل على سمك متوسط نطبع حبات الصابلي بمول شكل مثلث،و نضعهم في صينية فرن فيها ورق طهي .
ندخلهم للفرن على 180 درجة حتى يحمروا قليلا
*كريمة حلوة الترك *
100غ حلوة الترك (الشامية)
100غ زبدة
3ملاعق كبيرة سكر ناعم
6 ملاعق عصير الليمون
عطر الليمون
تحضير كريمة حلوة الترك
نخفق السكر الناعم و عصير الليمون ، بعد ذلك حلوة الترك ( الشامية) و نكمل الخفق
نضيف عطر الليمون و نكمل الخلط نضيف عطر الليمون وفي الاخير نضيف الزبدة تدريجيا حتى نتحصل على كريمة.
بعد ما اطيب الصابلي و تبرد ،ناخذ 3 حبات و كل حبة منها نوضع طبقة من الكريمة .
*التزين *
كاوكاو ايفيلي(رقائق فول السوداني )
في سطح حبة الحلوى نضيف كاوكاو ايفيلي(رقائق فول السوداني ) يعني في النصف و النصف الاخر نرش بالسكر الناعم وتزين اخير بحبة حلوة ملونة
وهنا شكلها النهائي
بصحة و عافية إن شاء
الوصفة بالتفصيل في الفيديو فرجة ممتعة
👇👇👇👇👇👇👇👇👇👇👇👇👇
إرسال تعليق