صابلي الكاستال
صابلي الكاستال وصفة بزاف بنينة عبارة عن عجينة صابلي وحشو كريمة الزبدة بطعم الليمون و حلوة الترك
عجينة الصابلي ذوق حلوة الترك
المقادير
125 غ زبدة
3ملاعق سكر ناعم
1 بيضة
ملعقة صغيرة فانيلا
25غ لوز مطحون
ملعقة حلوة الترك (الشامية)
رشة ملح، رشة خميرة الحلوى
فرينة ( طحين ) حسب الحاجة
طريقة التحضير
نوضع الزبدة و السكر الناعم و حلوة الترك الشامية
و بواسطة الخلاط الكهربائي نخلط كل المكونات حتى نتحصل على كريمة نضيف حبة البيض و الفانيليا و نكمل الخلط ، بعد ذلك نطفىء الخلاط ،و نضيف كمية اللوز ، و نجمع بالفرينة مع إضافة الملح و الخميرة .
بالنسبة للفرينة نضيفها تدريجيا حتى نتحصل على عجينة متماسكة نتركها ترتاح في الثلاجة مدة ساعة مع الحرص على تغليفيها جيدا.
بعد ما ترتاح العجينة نحلها و بواسطة مول يكون مدور الحجم اختياري نقطع دوائر ونوضعها في صينية عليها ورق الزبدة ،بعد ذلك ندخلها للفرن يكون مسخن مسبقا على درجة 160° مدة 20 دقيقة.
كريمة حلوة الترك
المقادير
30 غ حلوة الترك
2 ملاعق كبيرة سكر ناعم
ملعقة صغيرة عطر الليمون
2 ملاعق كبيرة عصير الليمون
75 غ زبدة
طريقة التحضير
نوضع حلوة الترك الشامية و السكر الناعم ، عصير الليمون،عطر الليمون ونخفق الكل حتى تذوب حلوة الترك و باقي المقادير بعد ذلك نبدأ نضيف الزبدة تدريجيا مع الخفق المستمر حتى نتحصل على كريمة الزبدة ذوق حلوة الترك و الليمون نغطيها بكيس غذائي ونتركها ترتاح في الثلاجة.
بعد ما اطيب الصابلي نخليها تبرد ، وناخذ كل قطعة ونوضع ملعقة صغيرة من كريمة حلوة الترك الشامية فوق حبة الصابلي ونغلق على الكريمة بقطعة أخرى من الصابلي نضغط مليح من بعد نغلف كل الحبة بكريمة حلوة الترك الشامية حتى تتغطى كل الحلوى.
في تزين صابلي الكاستال نحتاج رقائق الفول السوداني محمص ،بعد ما كونت غلفت الحلوى بالكريمة ،نضيف اليها راقائق الفول السوداني حتى تتغطى الكريمة بالرقائق ،في الأخير نرش السكر الناعم على الحلوى ، ونزينها في الوسط حبة كرز مصبر، كما هو موضح في الصورة.
اتمنى ان تنال اعجابكم الوصفة
إرسال تعليق